काठमाडौं, २८ चैत्र । नेपाल पत्रकार महासंघको अध्यक्षमा विपुल पोखरेल नेतृत्वको प्यानल नै केन्द्रमा विजयी भएको छ । प्रदेश र जिल्लाका अधिकांश पदहरुमा पनि विपुलको प्यानल नै विजयी भएको छ ।
। पोखरेलले अध्यक्षकी निकटतम प्रतिद्वन्द्वी निर्मला शर्मामाथि जीत हासिल गर्दा ३ हजारभन्दा बढी मतान्तर देखिएको थियो । अध्यक्षमा विपुलले ६९४२ मत ल्याउँदा निर्मलाले ३९१५ मत ल्याइन् । पत्रकार महासंघमा पहिलो महिला अध्यक्ष हुने अवसरबाट निर्मला असफल भइन् ।
अध्यक्षमा गजेन्द्र बुढाथोकीले ४९१ र रामप्रसाद दाहालले १५६ मत प्राप्त गरे ।
वरिष्ठ उपाध्यक्षमा रमेश बिष्टले ६७४१ मत प्राप्त गरे । माधव नेपालले ३७८१ मत प्राप्त गरे ।
महिला उपाध्यक्षमा बाला अधिकारीर समावेशी उपाध्यक्षमा उदय जीएम, महासचिवमा रोशन पुरी र सचिव खुल्लामा गोविन्द्रप्रसाद चौलागाईँ विजयी भए । सचिवल खुल्लामा जन्मदेव जैसीले ११२७ मत प्राप्त गरे ।
