दमक, बैशाख १५। नेपालले भारतीय नागरिकलाई काँकरभिट्टा नाका प्रवेशमा रोक लगाएको छ । नेपालमा कोरोना संक्रमण बढ्दै गएपछि भारतीय नागरिकलाई काँकरभिट्टा नाका प्रवेशमा रोक लगाइएको इलाका प्रहरी कार्यालय काँकरभिट्टाका डीएसपी सुनील दाहालले जानकारी दिए ।
‘काँकरभिट्टा सीमानाका हुँदै नेपाल आउने भारतीयलाई प्रवेशमा रोक लगाइएको छ,’ डीएसपी दाहालले राजधानीसग भने, ‘भारतबाट आउने नेपालीलाई भने पीसीआर रिपोर्ट हेरेर छोड्ने गरेका छौं । नेपालबाट भारत जानेलाई पनि परिचयपत्र देखाएपछि छाडिनेछ ।’
झापामा कोराना संक्रमण अत्यधिक बढ्न थालेपछि सीमानाकामा कडाइ गरिएको छ । नेपाल र भारतबाट आवतजावत गर्ने सर्वसाधारण कम भएकाले काँकरभिट्टा नाका प्रायः ठप्प छ । राजधानी दैनिकबाट
