कैलाली, ७ जेठ । अवैध लागूऔषध खैरो हेरोईन जस्तो देखिने धुलो पदार्थ सहित २ जनालाई बिहीबार बेलुकी प्रहरीले पक्राउ गरेको छ ।भजनी नगरपालिका–३ बर्दुवाफाटबाट ४ ग्राम अवैध लागूऔषध खैरो हेरोईन जस्तो देखिने धुलो पदार्थ सहित २ जनालाई बिहीबार बेलुकी प्रहरीले पक्राउ गरेको हो।
पक्राउ पर्नेहरूमा टिकापुर नगरपालिका–१ बस्ने २२ वर्षीय तपेन्द्र बहादुर शाही र २२ वर्षीय सन्तोष माझी रहेका छन् । ईलाका प्रहरी कार्यालय भजनीबाट खटिएको प्रहरीले जाँच गर्नेक्रममा उनीहरूलाई उक्त पदार्थ सहित फेला पारी पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको बताएको छ ।
