काठमाडौं, ११ जेठ । वरिष्ठ अधिवक्ता दिनेश त्रिपाठीले प्रधानमन्त्री केपी शर्मा ओलीले अदालतको अवहेलना गरेको जिकिर गर्दै सशरीर अदालतमा उपस्थित गराई कैद र जरिवानाको मागसहित मुद्दा दायर गरेका छन् । आज उनले ओलीमाथि सर्वोच्च अदालतको ११ फागुनमा प्रतिनिधि सभा विघटनको कदम असंवैधानिक ठहराई पुनःस्थापना गर्ने आदेश विपरित पुनः विघटन गरेर अदालतको अवहेलना गरेको भन्दै मुद्दा दायर गरेका हुन् ।
रिटमा प्रधानमन्त्री ओलीलाई २४ घन्टा सशरीर उपस्थित गराउन भनिएको छ । उनीमाथि अधिकतम् १ वर्ष कैद एवं दश हजार जरिबानाको समेत माग गरिएको छ ।
