कपिलवस्तु, १३ जेठ । ब्राउनसुगर सहित मंगलबार दुई जना पक्राउ परेका छन् । मायादेबी गाउँपालिका–३ फुलीकाबाट ६ ग्राम ५ मिलिग्राम अवैध लागूऔषध ब्राउनसुगर जस्तो देखिने पदार्थ सहित २ जनालाई मंगलबार राति प्रहरीले पक्राउ गरेको हो ।
पक्राउ पर्नेहरुमा रुपन्देही कन्चन गाउँपालिका–५ बस्ने २७ वर्षीय मदन कुमार दर्लामी मगर र सोही ठाउँ बस्ने २८ वर्षीय बिनोद दर्लामी मगर रहेका छन् । बरोहियाबाट पचेहेरातर्फ जाँदै गरेको बा.८० प ९६९० नम्बरको मोटरसाइकललाई ईलाका प्रहरी कार्यालय पकडीबाट खटिएको प्रहरीले जाँच गर्ने क्रममा मोटरसाइकलमा सवार उनीहरुलाई उक्त पदार्थ सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको छ ।
