काठमाडौं सिनामंगलमा ९३ वर्षीया महिलाले कोरोना जितेकी छिन् । स्वास्थ्यमा सामान्य समस्या देखिएपछि सुशीला भुजेललाई वैशाख २४ गते पीसीआर परीक्षण गर्दा कोरोना संक्रमण पुष्टि भएको थियो । संक्रमित भएपछि ‘युथ फर नेसन’ले ठमेलमा सञ्चालन गरेको आइसोलेसन सेन्टरमा बसेकी भुजेल कोरोना रिपोर्ट नेगेटिभ आएपछि सोमबार घर फर्किएकी हुन् ।
युथ फर नेसनले कोरोना संक्रमितलाई चिकित्सकहरूको निगरानीमा आइसोलेसनमा राख्दै आएको छ । हाल आइसोलेसनमा २० जना संक्रमित रहेको युथ फर नेसनका संयोजक लेनिन बिष्ट हुन् ।
