काठमाडौं, २० जेठ । अवैध लागूऔषध खैरो हेरोईन जस्तो देखिने पदार्थ सहित ४ जना पक्राउ परेका छन् । हेटौंडा उपमहानगरपालिका–१ स्थित राप्ती होटलबाट ४ सय ५० मिलिग्राम अवैध लागूऔषध खैरो हेरोईन जस्तो देखिने पदार्थ सहित ४ जनालाई बुधबार साँझ प्रहरीले पक्राउ गरेको हो ।
पक्राउ पर्नेहरूमा हेटौंडा उपमहानगरपालिका–११ बस्ने २४ वर्षीय ठाकुर गजुरेल, २० वर्षीय हिमाल बर्तौला, सोही उपमहानगरपालिका–१ चौकीटोल बस्ने २७ वर्षीय बिशाल पौडेल र सोही उपमहानगरपालिका–४ हुप्राचौर बस्ने ३० वर्षीय सोजन जोशी रहेका छन् । विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरीले उनीहरूलाई उक्त पदार्थ सहित फेला पारी पक्राउ गरेको जनाएको हो ।
