सुदूरपश्चिम प्रदेशसभाको बजेट अधिवेशन आजदेखि

कैलाली, जेठ २१ । आजदेखि सुदूरपश्चिम प्रदेशसभाको बजेट अधिवेशन सुरु हुँदैछ। मन्त्रपरिषद् बैठकको सिफारिसमा प्रदेश प्रमुख गंगाप्रसाद यादवले आजदेखि आठौँ तथा बजेट अधिवेशन आह्वान गरेका हुन्।

बजेट अधिवेशनको पहिलो बैठक दिउँसो ३ बजेका लागि तय गरिएको छ। बैठकको एजेण्डाबारे छलफल गर्न बिहीबार कार्य व्यवस्था परामर्श समितिको बैठक बसेको भए पनि विनानिष्कर्ष सकिएको थियो ।