![](https://reportersnepal.com/wp-content/uploads/2021/02/Karna-Thapa-768x512.jpg)
काठमाडौं, २४ जेठ । गृहमन्त्री बन्न नेकपा एमालेका प्रभावशाली नेताहरुबीच दौड तिव्र भएको छ । प्रधानमन्त्री केपी शर्मा ओलीले आफूसँगै राखेको गृह मन्त्रालयको जिम्मेवारी विश्वासपात्रमध्येलाई दिने चर्चा चलिरहँदा दौड तिव्र भएको हो ।
गृहमा सबैभन्दा बलियो दाबेदार महेश बस्नेत देखिएका छन् । उनले ओलीको सत्ता संकट टार्न निकै जोखिम उठाएर भूमिका निभाइरहेका छन् ।
ओलीका विश्वासपात्रमध्येका कर्ण थापा पनि गृहमन्त्रीको दौडमा देखिएका छन् । थापा ओलीले रुचाएका नेता हुन् । विगतमा पनि मन्त्री बनिसकेका थापा सुदूरपश्चिम प्रदेशमा एमालेका इञ्चार्ज छन् । माधव नेपाल समूहका भीम रावल उक्त क्षेत्रमा प्रभावशाली छन् । रावललाई काउन्टर दिनका लागि पनि थापालाई गृहमन्त्री बनाउने चर्चा ओली समूहका प्रभावशाली नेताहरुमा चर्चा चलेको छ ।
यसैगरी, गृहमन्त्रीमा एमाले नेता खगराज अधिकारीको पनि चर्चा छ । विष्णु पौडेललाई अर्थ मन्त्रालयबाट गृहमा सारेर लाने सम्भावना पनि रहेको छ । सुरेन्द्र पाण्डेसहितका नेताहरु माधव नेपाल समूह छाडेर आएमा अर्थमा लानेमा ओली सकारात्मक रहेको बुझिएको छ ।