एजेन्सी, ३ असार । नेपालमा प्रतिकेजी केराको मूल्य अधिकतम् १०० रुपैयाँ पर्छ । भारतमा योभन्दा सस्तो मूल्यमा केरा पाइन्छ । तर, उत्तर कोरियामा प्रतिकेजी केराको मूल्य ४५ डलर पुगेको छ ।
नेपाली रुपैयाँ ५३०० प्रतिकेजी केरा पर्दा प्रति केरसा ५०० पर्न आउँछ । उत्तर कोरियामा केराको मूल्य यो हदसम्म वृद्धि हुनुमा खाद्य संकट नै हो ।
एन के न्यूजका अनुसार उत्तर कोरियामा अहिले केरा प्रतिकेजी ४५ डलर पुगेको छ । अहिले उत्तर कोरिया चरम खाद्य संकट झेलिरहेको छ । त्यहाँ भोकमरीले ठूलो संख्यामा मानिसको मृत्यु हुने खतरा बढेको छ ।
अधिकांश उत्तर कोरियाली परिवारहरु दैनिक दुई छाकमात्र खाइरहेका छन् । त्यहाँ कुपोषण बढेको छ । कतिपय परिवार मकैं खाएर मात्र बाँचिरहेका छन् ।
