काठमाडौं, ११ असार। आज नेपालमा कोरोना भाइरसका २ हजार ४ सय ७६ जना संक्रमित थपिएका छन् । योसंगै कुल संक्रमितको संख्या ६ लाख ३१ हजार १ सय ५२ पुगेको स्वास्थ्य तथा जनसंख्या मन्त्रालयले जनाएको छ ।
आज ५ हजार ४ सय ५५ जना संक्रमणमुक्त भएका छन् । हालसम्म ५ लाख ७६ हजार ४ सय १३ जना संक्रमणमुक्त भएको स्वास्थ्य मन्त्रालयले जारी गरेको विज्ञप्तीमा उल्लेख छ । २४ घन्टामा १४ हजार ३ सय ५१ परीक्षणबाट २४ सय ७६ जनामा संक्रमण पुष्टि भएको हो ।
आज थप २७ जनाको मृत्यु भएसँगै हालसम्म नेपालमा संक्रमणबाट मृत्युहुनेको संख्या ८ हजार ९ सय ४५ पुगेको छ ।
