झापा, १७ असार । अवैध लागूऔषध खैरो हेरोईन सहित २ जनालाई बुधबार दिउँसो प्रहरीले पक्राउ गरेको छ । कमल गाउँपालिका ३ स्थित केर्खा बजारबाट ८८ ग्राम अवैध लागूऔषध खैरो हेरोईन जस्तो देखिने लेसाईलो पदार्थ सहित २ जना पक्राउ परेका छन् ।
पक्राउ पर्नेहरुमा मेचिनगर नगरपालिका १५ बस्ने २० वर्षीय सुवास मेचे र सोही गाउँपालिका १० बस्ने २५ वर्षीय सुरज लामिछाने रहेका छन् । मे १ ह ५९९० नम्बरको टेम्पोलाई ईलाका प्रहरी कार्यालय दमक र लागूऔषध नियन्त्रण ब्यूरो काँकडभिट्टाबाट खटीएको संयुक्त प्रहरी टोलीले जाँच गर्ने क्रममा टेम्पोमा सवार उनीहरूलाई उक्त परिमाणको लागूऔषध सहित फेला पारी पक्राउ गरेको जनाएको छ।
