काठमाडौं, २४ असार । नेकपा (एमाले) को कार्यदलको बैठक जारी छ । सिंहदरबारमा जारी बैठकले आज सहमतिको खाका तयार पार्ने बुझिएको छ । हिजो अध्यक्ष केपी शर्मा ओली र वरिष्ठ नेता माधव कुमार नेपालबीच भएको भेटवार्ताको प्रगतिसहित कार्यदलका सदस्यहरु छलफलमा जुटेका हुन् ।
आज विहान नेपाली रेडियो नेटवर्कबाट प्रसारण भएको नेपाली बहस कार्यक्रममा पत्रकार ऋषि धमलासँग कुरा गर्दा भीम रावलले आजै सहमतिको खाका तयार हुने जानकारी दिएका थिए ।
कार्यदलमा ओलीको तर्फबाट विष्णु पौडेल, सुवास नेम्वाङ, प्रदीप ज्ञवाली, शंकर पोखरेल र विष्णु रिमाल छन् । उता, माधव नेपाल पक्षबाट भने भीम रावल, सुरेन्द्र पाण्डे, गोकर्ण विष्ट र रघुजी पन्त छन् । तर, पछिल्ला बैठकमा भीम आचार्य पनि सक्रिय रुपमा सहभागी भएका छन् । file photo
