काठमाडौँ, २५ असार । आज देशभर २२ सय ३९ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ३ सय ८० जना थपिएको स्वास्थ्य मन्त्रलायले जनाएको छ ।
२४ घन्टामा थपिएका मध्ये काठमाडौँमा २६१ , ललितपुरमा ७४ र भक्तपुरमा ४५ संक्रमित रहेका छन् । बिहीबार उपत्यकामा ४२७ जनामा संक्रमण पुष्टि भएको थियो । २८७ काठमाडौंमा, भक्तपुरमा ५८ र ललितपुरमा ८२ जना संक्रमित थपिएका थिए।
कोरोना संक्रमणबाट आज थप २० जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ३ सय ४० पुगेको मन्त्रालयले जनाएको छ ।
पछिल्लो २४ घन्टामा नेपालमा कोरोना भाइरसका २ हजार २ सय ३९ जना संक्रमित थपिएसंगै कुल संक्रमितको संख्या ६ लाख ५२ हजार८ सय ५९ पुगेको छ ।
त्यस्तै, आज १ हजार ३ सय १६ जना संक्रमणमुक्त भएका छन् । हालसम्म नेपालमा ६ लाख १६ हजार ९ सय २९ जना संक्रमणमुक्त भएका छन् । मन्त्रालयको अनुसार २४ घन्टामा ११ हजार ३१३ परीक्षणमा १४ सय ७९ जना पिसीआर विधिबाट र ७ सय ६० जना एन्टिजेन विधिबाट संक्रमण पुष्टि भएको हो ।
