कोरोना कहरमा सरकारलाई चुनौती दिनेगरी ओलीनिकट युवासंघ सडकमा (भिडियोसहित)

काठमाडौं, २७ असार । यतिबेला देश कोरोना भाइरसको दोस्रो लहरसँग जुधिरहेको छ । निषेधाज्ञा खुकुलो भएपनि जारी छ । काठमाडौं उपत्यकाभित्र जुलुस, सभा र सम्मेलनहरु गर्न निषेध गरिएको छ । तर, नेकपा एमालेका अध्यक्ष केपी शर्मा ओलीनिकट युवा संघले आज शक्ति प्रदर्शन गरेको छ ।

युवा संघले आज हजारौंको संख्यामा कार्यकर्ता उतारेर शक्ति प्रदर्शन गरेको हो । प्लेकार्डसहित युवा संघका कार्यकर्ता देखिएका थिए ।

भोलि सर्वोच्च अदालतले प्रतिनिधि सभा विघटनविरुद्ध र शेरबहादुर देउवालाई प्रधानमन्त्री बनाउन आदेश दिन परेको रिटको अन्तिम किनारा लगाउन गइरहँदा युवा संघ सडकमा ओर्लिएको हो । विपक्षी गठबन्धनको विरुद्धमा युवा संघ सडकमा ओर्लिएर सरकार पक्षका कार्यकर्ताबाट नै निषेधाज्ञा उल्लंघन भएको छ ।

https://www.facebook.com/MaMaheshBasnet/videos/139521608286617