रौतहट, ३१ असार । १ किलो २ सय ग्राम अवैध चाँदी जस्तो देखिने धातु सहित एक जनालाई प्रहरीले पक्राउ गरेको छ । ईशनाथ नगरपालिका
४ महुलियाबाट १ केजी २ सय ग्राम चाँदी जस्तो देखिने धातु सहित राजपुर नगरपालिका कुडीया बस्ने ३४ वर्षीय शेख नसरुल बुधबार साँझ पक्राउ परेका हुन् । ।
भारतबाट नेपालतर्फ आउँदै गरेको बिआर ५ क्यू ९०५२ नम्बरको मोटरसाइकललाई प्रहरी चौकी मठियाबाट खटिएको प्रहरी जाँच गर्ने क्रममा मोटरसाइकलको लेग गार्डमा झूण्डाई ल्याउँदै गरेको उक्त धातु सहित फेला पारी मोटरसाइकल चालक नसरुलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
