साउन ४, काठमाण्डौ । प्रधानमन्त्री शेरबहादुर देउवालाई भारतीय प्रधानमन्त्री नरेन्द्र मोदीले बधाई दिएका छन् । प्रतिनिधिसभाबाट विश्वासको मत पाउनेवित्तिकै मोदीले ट्वीटरमार्फत देउवालाई बधाई दिएका हुन् । उनले प्रधानमन्त्री देउवालाई बधाई दिँदै सफल कार्यकालको शुभकामना व्यक्त गरेका छन् । देउवाको कार्यकालमा द्विपक्षीय सम्बन्ध अझ गहिरो हुने पनि मोदीले बताएका छन् ।
यसअघि प्रधानमन्त्री देउवाले सपथ लिएपछि मोदीले बधाई नदिएको भन्दै चौतर्फी चासो र चर्चा भएको थियो । तर आज देउवाले विश्वासको मत लिएलगत्तै मोदीले बधाई दिएका हुन् । देउवा प्रधानमन्त्री नियुक्त भएपछि भारतीय राजदूत विनयमोहान क्वात्राले भेटेर बधाई दिएका थिए ।
Congratulations Prime Minister @DeubaSherbdr and best wishes for a successful tenure. I look forward to working with you to further enhance our unique partnership in all sectors, and strengthen our deep-rooted people-to-people ties.
