पर्सा, ४ साउन । बालिकालाई जबरजस्ती करणी गरेको अभियोगमा पक्राउ परेका छन् । १३ वर्षीया बालिकालाई जबरजस्ती करणी गरेको अभियोगमा ठोरी गाउँपालिका ५ सुवर्णपुर बस्ने ४८ वर्षीय सुनिलकुमार परियारलाई शुक्रबार प्रहरीले पक्राउ गरेको हो ।
सुनिलकुमारले ती बालिकालाई गत असार २८ गते दिउँसो आफ्नै नाबालक छोराहरूसँग खेल्न आएको मौकामा कोठाभित्र लगेर जबरजस्ती करणी गरेको खुल्न आएपछि जिल्ला प्रहरी कार्यालय पर्साबाट खटिएको प्रहरीले उनलाई पक्राउ गरेको जनाएको छ । उनीमाथि जबरजस्ती करणी सम्बन्धी कसूरमा थप अनुसन्धान भइरहेको जिल्ला प्रहरी कार्यालय पर्साले जानकारी दिएको छ ।
