काठमाडौं, ५ साउन । नेपालमा आज कोरोना भाइरसका ३ हजार १ सय ८ जना संक्रमित थपिएका छन् । योसंगै कुल संक्रमितको संख्या ६ लाख ७० हजार ९ सय ५३ पुगेको स्वास्थ्य तथा जनसंख्या मन्त्रालयले जनाएको छ ।
आज १ हजार ५ सय ९५ जना संक्रमणमुक्त भएका छन् । हालसम्म ६ लाख ३४ हजार ९ सय २७ जना संक्रमणमुक्त भएका छन् । २४ घन्टामा १३ हजार १३५ परीक्षणबाट २२ सय २ जना पिसीआर र ९०६ जना एन्टिजेन विधिबाट संक्रमण पुष्टि भएको हो । सोमबार २४ सय ४५ जना संक्रमित थपिएका थिए ।
