काठमाडौं, १३ साउन । साताको चौथो कारोबारको दिन बुधबार अघिल्लो दिनको कारोबारको तुलनामा शेयर बजार १५ दशमलव ३० अंकले बढेको हो ।
नारायणी डेभलपमेन्ट बैंक, चन्द्रागिरी हिल्स कम्पनी र मल्टिपर्पस फाइनान्स कम्पनीको शेयरमा सकरात्मक सर्किट लागेको हो । नारायणी डेभलपमेन्ट बैंकको शेयरमुल्य ८०३ रुपैयाँ कायम भएको छ । कम्पनीको लगानीकर्ताले आज १० प्रतिशतका दरले कमाएका छन् ।
चन्द्रागिरी हिल्स कम्पनीको आज १६ सय ३७ रुपैयाँ अन्तिम शेयरमुल्य कायम भएको छ । मल्टिपर्पस फाइनान्स कम्पनीको आज ५३४ रुपैयाँ अन्तिम शेयरमुल्य कायम भएको छ । सोल्टी होटल्सका लगानीकर्ताले ८ प्रतिशतभन्दा बढीको दरले कमाएका छन् ।
