काठमाडौं, २२ साउन । तेह्रथुमको एक गाउँपालिकाकी उपाध्क्षको ससुराको निधन हुँदा उक्त क्षेत्रभरका कार्यालय एवं सरकारी संघसंस्थाहरुलाई शोक बिदा दिइएको छ । मेन्छयायेम गाउँपालिकाकी उपाध्यक्ष गीतादेवी तिम्सिना गौतमको ससुरा कृष्णप्रसाद गौतमको गएराति साँढे ११ बजे ९६ वर्षको उमेरमा निधन भएको थियो ।
गौतमको निधनप्रति शोक बिदाको सूचना गाउँपालिकाले जारी गरेको छ । सूचनामा आज गाउँपालिकाको कार्यालय, वडा कार्यालयहरु, गाउँपालिकाभित्रका सम्पूर्ण शैक्षिक संस्थाहरु एवं मातहतका कार्यालयहरुमा बिदा दिने निर्णय भएको छ ।
