काठमाडौं, साउन २५ । रियल म्याड्रिड र एसी मिलानले प्रि-सिजन अन्तर्गत मैत्रीपूर्ण खेलमा बराबरी खेलेका छन् । अष्ट्रियामा भएको खेलमा म्याड्रिड र मिलानले गोलरहित बराबरी खेलेका हुन् ।
खेलमा दुवै टोलीले गोल गर्ने अवसर पाएपनि सदुपयोग गर्न नसक्दा बराबरीमा रोकिन बाध्य भए । खेलको पाँचौ मिनेटमा थियो हर्नान्डेजले गरेको प्रहार पोस्टमा लागेर फर्किदा मिलानले अग्रता लिने मौका गुमाएको थियो । ३२ औं मिनेटमा डेभिड अल्बाले डि-बक्स बाहिरबाट गरेको प्रहार विपक्षी गोलकिपर मैग्नानले बचाए ।
४१ औं मिनेटमा गेरेथ बेल पेनाल्टीमा चुक्दा म्याड्रिडले खेलमा अगाडि बढ्ने मौका गुमायो । बेललाई कालाब्रियाले डि-बक्स भित्र लडाएपछि म्याड्रिडले पेनाल्टी जितेको थियो । ५२ औं मिनेटमा मोड्रिकले हालेको प्रहार क्रसबारमा लाग्दै बाहिरियो । ६७ औं मिनेटमा मिलनका डियाजले हानेको प्रहार लुलिनले बचाए । ८८ औं मिनेटमा मिगुएलको पासमा अरिबासले गरेको प्रहार आकासिदा खेल ०-० गोलको बराबरीमा सकिएको थियो ।
