काठमाडौं, १ भदौ । नेकपा एमालेले वरिष्ठ नेता माधवकुमार नेपालसहित १४ जनालाई सांसदबाट पदमुक्त गर्ने निर्णय गरेको छ । एमाले अध्यक्ष केपी शर्मा ओलीले पठाएको पदमुक्त गर्ने पत्र संसद सचिवालय र निर्वाचन आयोगमा पठाएको छ ।
पार्टी विभाजनमा लागेको भन्दै उनीहरुमाथि कारबाहीको निर्णय गरी पत्र पठाइएको बुझिएको छ । कारबाहीमा परेकाहरु यसअघि प्रधानमन्त्री शेरबहादुर देउवालाई विश्वासको मत दिने २२ सांसदमध्येका हुन् । तर, अध्यक्ष केपी शर्मा ओलीको गुट छाडेर गएका प्रेम आलेसहितका सांसदहरु भने कारबाहीको सूचीमा परेका छैनन् ।
कारबहीमा परेकाहरु
१. माधवकुमार नेपाल
२. मुकुन्द न्यौपाने
३. जीवनराम श्रेष्ठ
४. रामकुमारी झाँक्री
५. कल्याणी खड्का
६. लक्ष्मीकुमारी चौधरी
७. निरादेवी जैरु
८. पुष्पाकुमारी कर्ण
९. सरला यादव
१०. कलिला खातुन
११. विरोध खतिवडा
१२. कृष्णलाल महर्जन
१३. भवानी खापुङ
१४. मेटमणी चौधरी
