धादिङ, १४ भदौ । धादिङको निलकण्ठ नगरपालिका–८ बगैंचामा आज ट्रक दुर्घटना हुँदा २३ जना घाइते भएका छन् । दुर्घटनामा पर्ने मध्ये ७ जनाको अवस्था गम्भिर रहेको प्रहरीले जनाएको छ ।
ज्वालामुखी गाउँपालिका खरीबाट धादिङबेशीतर्फ आउँदै गरेको बा ३ ख ५६२६ नम्बरको आइचर रोकिराखेको बा ३ ख ५७४४ नम्बरको ट्रिपरमा ठोकिएर दुर्घटना भएको हो ।
घाइतेमध्ये ४ जनालाई हेलिकप्टर र ३ जनालाई एम्बुलेन्समार्फत काठमाडौं पठाइएको धादिङ प्रहरीले जनाएको छ । बाँकी रहेका घाइतेहरुको धादिङ अस्पतालमा उपचार भैरहेको छ ।
