एजेन्सी, २४ भदौ । भारतीय क्रिकेट टोलीका पूर्व कप्तान तथा बिसीसीआईका अध्यक्ष सौरभ गांगुलीको बायोपिक बन्ने भएको छ । उनको बायोपिक लभ फिल्मस्ले बनाउने भएको हो । उक्त विषयको जानकारी निर्माण पक्षले बिहीबार गराएका हो ।
गांगुली क्रिकेट जगतमा निकै लोकप्रिय खेलाडी हुन् । सन्यास लिएपछि उनी भारतीय क्रिकेट बोर्डको अध्यक्षमा समेत नियुक्त भएका थिए । फिल्मका निर्माता लभ रञ्जन र अंकुर गर्गको भनाईलाई उदृत गर्दै सञ्चारमाध्यम हिन्दूले लेखेको छ,‘दादाका वायोपिक बनाउन हामी निकै उत्साहित छौँ । हामीलाई फिल्म बनाउन निकै मेहनत गर्नु पर्ने छ ।’ भारतीय क्रिकेट जगतमा उनको योगदान रहेको थियो ।-Photo: Agency
