प्रचण्डले भने–कहिलेकाहीँ म पनि एक्लो पो हुने हो कि चिन्ता छ ! (भिडिओसहित)

काठमाडौं, २७ भदौ । नेकपा (माओवादी केन्द्र) का अध्यक्ष पुष्पकमल दाहालले आफूले एमालेसँग एकता गर्दा केपी ओलीसँग ज्ञान प्राप्त गरेको बताएका छन् । आज (आईतबार) काठमाडौंको प्रज्ञा भवनमा आयोजित ‘नेपाली कम्युनिस्ट आन्दोलनको कार्यदिशा पुस्तक विमोचन’ कार्यक्रमलाई सम्बोधन गर्दै उनले यस्तो बताएका हुन् ।

उनले भने,‘केपी ओलीसँग एकता गरेर मैले ज्ञान प्राप्त गरेर आएँ । यो ज्ञानलाई सदुपयोग गर्नु भयो भने तपाईँहरुलाई पनि काम लाग्छ । क्रान्तिले त विश्वभरि नै धक्का खाएको हो नि, नेपालमा त हामीले वैज्ञानिक समाजवाद ल्याउँछौं भनिरहेका छौं नि । म दश वर्षको जनयुद्धको पनि नेता हुँ । म विचार र रणनीति बनाउने नेता पनि हुँ ।’ उनले आफूहरु जीवनको उत्तरार्धमा आएकोले आफूहरुबाट युवाले केही सिक्नुपर्ने पनि बताए । उनले माओले भनेजस्तो आफू पनि एक्लै हुने हो कि भन्ने चिन्ता पनि सुनाए ।

https://www.facebook.com/prachanda.nepal/videos/584232266251580

तस्विर : मुकुन्द कालिकोटे, रिपोर्टर्स नेपाल डटकम