काठमाडौँ, २७ भदौ। मिथिला संस्कृती अध्ययन केन्द्र निर्माणका लागि मैथली ब्राहमण महासभाले ‘एक घर एक ईट्टा’ अभियान सञ्चालनमा ल्याएको छ । २६ जिल्लाका ब्राहमण समुदायको हरेक घरबाट एक घर एक ईट्टा संकलन गरी जनकपुरधाम उपमहानगरपालिकामा मिथिला संस्कृती अध्ययन केन्द्र निर्माण गर्ने अभियान थालिएको ब्राहमण महासभाका केन्द्रिय अध्यक्ष ई. भगवान झाले बताए ।
प्रदेशसभा सदस्य परमेश्वर साहको संसदिय कोषबाट २५ लाख तथा जनकपुरधाम उपमहानगरपालिकाको ५ लाख बजेटबाट अहिले सम्म केन्द्रको फाउन्डेशनको काम भएको छ । प्रदेश सरकारले केन्द्र स्थापनामा सहयोग गर्ने भनिएपनि अहिले आएर पछि हटेकाले आफुहरु आ–आफनै प्रयासबाट जति सक्दो चाँडो केन्द्र निर्माणका लागिपरेको झाले बताए ।
२६ जिल्लामा लगातार २६ वटा प्रत्येक शनिवार कुनै एक स्थानमा सत्यनारायण भगवानको पुजापाठ सहित बैठक गरेर एक घर एक ईट्टाको सहयोग संकलन गर्ने कार्यक्रम रहेको झाले बताए । अभियानको असोज २ गते शनिवार महोतरीको पिपराबाट थालनी हुने समेत उनको भनाई छ ।
