काठमाडौँ, ११ असोज। सरकारले अध्यादेश बजेट प्रतिस्थापन गर्न ल्याएको बजेटसंग सम्बन्धित सबै विधेयक संघीय संसदको दुवै सदनबाट पारित भएका छन् । प्रतिनिधिसभाबाट पारित भएका आर्थिक विधेयक २०७८ र राष्ट्र ऋण उठाउने विधेयक २०७८ सोमवार राष्ट्रियसभाबाट पारित भएका हुन् । नेकपा (एमाले)को विरोधका बीच दुवै विधेयक राष्ट्रियसभाबाट बहुमतले पारित भएका हुन् ।
विनियोजन विधेयक पारित भएर प्रमाणीकरण भइसकेको जनाइएको छ । राष्ट्रिय सभाबाट पारित विधेयक आजै प्रतिनिधिसभामा जाने र सभामुखले प्रमाणित गरेर प्रमाणीकरणका लागि आजै राष्ट्रपति कार्यालयमा पठाउने तयारी गरेको जनाइएको छ ।-File Photo
