काठमाडौं, १३ असोज । चौंथो संस्करणको एभरेष्ट प्रिमियर लिग (ईपीएल) टी–ट्वान्टी क्रिकेटमा आज बुधबार दुई खेलहरु हुँदैछन् ।
ललितपुर प्याट्रीयट्स र पोखरा राइनोजबीच ९ः३० मा प्रतिस्पर्धा हुने तालिका रहेको थियो तर वर्षाका कारण भिजेको टियु क्रिकेट मैदान नसुकेको कारण देखाउदै अहिलेसम्म टस हुन सकेको छैन् ।
इपीएलको उद्घाटन खेलमा ललितपुर काठमाडौं किङ्स–११ सँग पराजित भएको थियो । साथै, पोखराले वर्षाका कारण पहिलो खेलमा भैरहवा ग्लाडीयटर्ससँग अंक बाडेको थियो ।
यसगरी, दोस्रो खेलमा भैरहवा ग्लाडीयटर्स र विराटनगर वारीवर्सबीच प्रतिस्पर्धा हुनेछ । भैरहवा र विराटनगरबीचको खेल दिउँसो १ः३० बजे सुरु हुनेछ । वर्षाको कारण खेल रद्द भएपछि पहिलो खेलमा भैरहवाले पोखरासँग अंक बाडेको थियो । विराटनगर पहिलो खेलमा चितवन टाइगर्ससँग पराजित भएको थियो ।
