काठमाडौं, २१ असोज । पाँच मन्त्रालय दाबी गरेका नेकपा एकीकृत समाजवादीका अध्यक्ष माधवकुमार नेपाल ब्याक भएका छन् । प्रदेश १ र बागमती प्रदेशमा मुख्यमन्त्री पाउने भद्र सहमति पछि नेपाल ब्याक भएका हुन् ।
आज सत्ता गठबन्धनको बैठकमा नेपालले ५ मन्त्रालयमा दाबी छाडेनन् । तर, प्रधानमन्त्री शेरबहादुर देउवा तयार भएनन् । त्यसपछि उनले २ प्रदेशमा मुख्यमन्त्री पाउने भए लचिलो बन्ने प्रस्ताव राखेपछि सहमति बनेको बुझिएको छ ।
अब प्रदेश १ मा राजेन्द्र राई र बागमती प्रदेश राजेन्द्र पाण्डे मुख्यमन्त्री बन्ने निश्चितप्रायः भएको छ ।
नेकपा एसले चारवटा शक्तिशाली मन्त्रालय पाउने भएको छ । एसले स्वास्थ्य, श्रम, पर्यटन र सहरी विकास मन्त्रालय पाउने भएको छ ।-File Photo
