काठमाडौं, ५ कात्तिक । नेपालका लागि भारतका राजदूत विनय मोहन क्वात्राले भारी वर्षाका कारण जनधनको क्षति भएको खबरले आफू अत्यन्तै मर्माहत भएको बताएका छन् । उनले दुःखको घडीमा नेपाल सरकार र नेपाली जनताको साथ उभिएको बताएका छन् ।
आज ट्वीट गर्दै राजदूत क्वात्राले नेपाल र भारतका केही क्षेत्रहरुमा भारी वर्षाका कारण पुगेको क्षतिप्रति दुःख व्यक्त गरेका हुन् ।
उनले ट्वीटरमा नेपाली भाषामै लेखेका छन्ः नेपाल र भारतका केही क्षेत्रहरुमा भारी वर्षाका कारण जनधनको क्षति भएको खबरले अत्यन्तै मर्माहत भएको छु। शोकसन्तप्त परिवारजनलाई यस दुखद घडीमा हार्दिक समवेदना व्यक्त गर्दछु। हामी नेपालको सरकार र जनताको साथमा उभिएको छौं।
