दाङ, १८ कात्तिक । दाङबाट सुर्खेत आउँदै गरेको तरकारी बोकेको जीप रत्न राजमार्गको झुप्राखोला नजिकै दुर्घटना भएको छ । रा १ च १३१० नम्बरको जीप आज दुर्घटना हुँदा चालकको मृत्यु भएको छ । जीप सडकबाट १५० मिटर तल खसेको थियो ।
मृत्यु हुनेमा घोराही नगरपालिकाका २८ वर्षीय जीप चालक राजु विक रहेका छन् । घाइते विकको उपचारको लागि अस्पताल लैजादै गर्दा बाटोमै मृत्यु भएको प्रहरीले जनाएको छ ।
सोही दुर्घटनामा परी रोल्पा लिवाङका लोकेन्द्र सुनार पनि सामान्य घाइते भएका छन् ।
