होचा कदका चमत्कारिक फुटबल खेलाडी म्याराडोना सँसारबाट बिदा भइसकेका छन् । उनी जीवनभर लोकप्रीयतासँगै विवादमा परिरहे । खेलकौशलसँगै उनमा चर्चा र विवादमा आउने कला पनि थियो । कहिले विवादास्पद गोल गरे त कहिले अभिव्यक्तिबाट विवादमा आए । उनको नाम धेरै महिलासँग जोडियो ।
म्यारोडोना फुटबल जति राम्रो खेल्थे व्यक्तिगत रुपमा आकर्षक पनि थिए । उनलाई धेरै महिलाहरुले प्रेम प्रस्ताव राखे । कतिपय उनको प्रेमिका पनि बने । उनको धेरै महिलासँग नाम जोडिए । कतिपयबाट सन्तान समेतको जन्म भयो ।
फुटबल स्टार म्याराडोनाले जत्तिको खेल क्षेत्रबाट नाम र दाम अरु कसैले कमाएका होलान् । उनले फुटबल खेल्न छाडेको दुई दशकपछिको पुस्ताले पनि क्रेजबारे जान्न र सुन्न पाइरह्यो । म्याराडोनाका कारण पनि फुटबल सँसारभर अझ लोकप्रीय बन्यो ।
म्याराडोना खेल क्षमताले सबैका प्रीय बने । उनलाई धेरै सुन्दर महिलाले मन पराए । उनको अहिलेसम्म जानकारीमा आए अनुसार छ जना महिलासँग सम्बन्ध बनेर आठजना सन्तानको जन्म भयो । ती सन्तानलाई उनले स्वीकारिसकेका छन् । म्याराडोनाको त्योभन्दा बढी सन्तान रहेको अहिलेपनि चर्चा छ ।
म्याराडोनाको पूर्व पत्नी क्लाउडिया भिलाफेनबाट दुई छोरीको जन्म भएको थियो । उनको एकजना छोरी गियानिनाले ठट्टा गर्दै आफ्नो पिताको सन्तानले नै फुटबलको ११ जना आवश्यक टोली संख्या पुग्ने बताएकी थिइन् । तर, म्याराडोना स्वयंले भने भिलाफेनबाट जन्मिएका गियानिना र डाल्मामात्र सन्तान भएको दाबी गरेका थिए । पछि थप छ जना छोराछोरी भएको स्वीकार गरे ।
म्याराडोनाले पाँच वर्ष अघि डिएगो जुनियर र जानालाई स्वीकार गरे । उनीहरुले अदालतमा मुद्दा दायर गरेपछि म्याराडोनाले उनीहरुका आमाहरुसँग रोमान्समा हुँदा जन्म भएको स्वीकारेका थिए । पछिल्लोपटक म्यारोडानाको ५३ वर्षको उमेरमा डिएगो फर्नान्डोको जन्म भएको विषय पनि बाहिर आयो । अहिले डिएगो सात वर्षका भए ।
म्याराडोनाले क्युबामा तीन सन्तानलाई स्वीकार गरे । कोकिनको लगत छुटाउन उपचारका लागि क्युबामा रहँदा उनीहरुको जन्म भएको थियो । सन् २००० देखि २००५ बीच क्युबामा म्याराडोनाका तीन सन्तानको जन्म भयो । सन् २०१९ मा म्याराडोनाले तीन सन्तानलाई स्वीकारेका थिए । थप दुई जना १९ वर्षीय सानटिआगो लारा र २३ वर्षीया मागाली गिलले पनि आफूहरु म्याराडोनाको सन्तान भएको दाबी गर्दै आएका छन् ।
डिएगो जुनियर ३४ वर्षका भए । उनी म्याराडोनाको हालसम्म खुलेकामध्ये सबैभन्दा जेठा सन्तान हुन् । म्याराडोनाको भालेरिया सावालेनसँगको रोमान्सका क्रममा उनको जन्म भएको हो । २४ वर्षीया जाना भालारिया सवालेनका सन्तान हुन् भने ७ वर्षीय डिएगो फर्नान्डो भेरोनिका ओजेडाका सन्तान हुन् । जोआना, लु र जाभियलिटोका अलावा सान्टिओगो लारा र मागालि गिलका आमाहरु अज्ञात छन् ।
–एजेन्सीको सहयोगमा
