दाङ, २२ कात्तिक । दाङमा फेरी सवारी साधन दुर्घटना भएको छ । सल्यानबाट दाङतर्फ आउँदै गरेको यात्रुबाहक जीप दुर्घटना भएको छ । कालीमाटीबाट दाङतर्फ आउँदै गरेको जीप बर्बइ गाउँपालिका–३ ठाडो खोलामा बिहान साढे ९ बजेतिर दुर्घटना हुँदा एक जनाको मृत्यु भएको प्रहरीले जनाएको छ ।
प्रहरीको अनुसार दुर्घटनामा परी ११ जना घाइते भएका छन् । दुर्घटनामा परी जीपका धनी देवबहादुर सुनारको घटनास्थलमै मृत्यु भएको हो । उपचारको लागि घाइतेहरुलाई तुलसीपुर पठाएको प्रहरीले जनाएको छ ।
