काठमाडौं, २४ कात्तिक । ब्रेक फेल भएर हेलम्बुका इचोकमा यात्रुवाहक बस दुर्घटना भएको छ । इचोकबाट काठमाडौँको लागि छुटेको सिन्धु हेलम्बु यातायात प्रालिको बा ४ ख ५८१५ नम्बरको यात्रुबाहक बस दुर्घटनामा परेको हो । दुर्घटना हुँदा एक जनाको मृत्यु भएको छ भने ६ जना घाइते भएको प्रहरीले जनाएको छ ।
मृत्यु हनेमा हेलम्बु–३ पाल्चोककी ५५ वर्षीया महिला पासाङ तामाङ रहेकी छिन् । त्यस्तै, घाइते हुनेहरुमा हेलम्बु ६ का अनुज तामाङ, सोही ठाउँमा पासाङ दोर्जे, साजन तामाङ, जङ्बु तामाङ, हेलम्बु ७ का आयुष पण्डित रहेको इलाका प्रहरी कार्यालय हेलम्बुले जनाएको छ ।
घाइतेलाई उपचारका लागि धुलिखेल अस्पताल पठाएको प्रहरीको भनाई छ ।
