काठमाडौं, २६ कात्तिक । नेपाल बार एसोसिएशनले प्रधानन्यायाधीश चोलेन्द्र शमशेर जबरालाई सर्वोच्च अदालतमा प्रवेश गर्न नदिन मुल गेटमा धर्ना दिने भएको छ ।
बारका अध्यक्ष चण्डेश्वर श्रेष्ठले आइतबारदेखि पनि सर्वोेच्चको गेटमा धर्नालाई निरन्तरता दिन प्रत्येक दिन साढे ९ बजे भेला हुन आह्वान गरेका हुन् । सर्वोच्चको गेटमा धर्नापछि विरोध सभालाई सम्बोधन गर्दै अध्यक्ष श्रेष्ठले यस्तो आह्वान गरेका हुन् ।
प्रधानन्यायाधीश जबरालाई अदालतमा प्रवेशमा रोक लगाउन बिहानदेखी कानुन ब्यवसायीहरु धर्नामा बसेसँगै जबराको पक्षमा नाराबाजी गर्ने पाँच जना पक्राउ परेका छन् ।
सर्वोच्चको मुल गेटमा प्रवेशमा रोक लगाएपछि प्रधानन्यायाधीशहरु जबरा आज वैकल्पिक गेटबाट भित्र प्रवेश गरेका छन् । File Photo
