काठमाडौं, २६ कात्तिक । सरकारको नेतृत्व गरेको दल नेपाली कांग्रेसको पदाधिकारी बैठक भोली (कात्तिक २७) गते शनिबार बस्ने भएको छ । बैठक शनिबार बिहान ९ बजे पार्टी मुख्यालय सानेपामा बस्ने भएको हो ।
कात्तिक २८ गते (आइतबार) बस्ने केन्द्रीय समितिको बैठकमा छलफल गरिने विषयहरु निर्धारण गर्न भोली पदाधिकारी बैठक बस्ने भएको हो । बैठकले कांग्रेसको आसन्न १४औं महाधिवेशनको बारेमा पनि छलफल गर्ने बुझिएको छ ।
