काठमाडौं, २८ कात्तिक । मुस्ताङमा डरलाग्दो हिमपहिरो गएको छ । थासाङ गाउँपालिकाको कोवाङको याङदेल खर्कमा हिमपहिरो गएको हो ।
एक्कासी हिमपहिरो आएपछि अमरसिंह माविका विद्यार्थीहरुको भागदौड मच्चिएको थियो । त्यसक्रममा ६ जना विद्यार्थी घाइते भएको बुझिएको छ । घाइते विद्यार्थीहरुको उपचार भइरहेको छ ।
हिमपहिरोका क्रममा हावा बेगले चलेको बुझिएको छ । मानवीय क्षति नभएपनि जनावरहरुलाई क्षति पुगेको हुनसक्ने आशंका गरिएको छ ।
