रोल्पा, २८ कात्तिक । रोल्पामा भएको जीप दुर्घटनामा मृत्यु हुनेको संख्या चार पुगेको छ। माडी गाउँपालिकादेखि घर्तीगाउँतीर जाँदै गरेको रा १ ज ३८२ नम्बरको जीप आज बिहान ११ बजे सडकबाट करीब ३ सय मिटर तल खसेको थियो।
दुर्घटनामा घाइते भई जिल्ला अस्पताल रोल्पामा उपचाररत १८ वर्षीया लिला पुनको मृत्यु भएको छ। यसअघि ५१ वर्षीय चालक रूद्र घर्ती मगर, ५३ वर्षीय टेकप्रसाद पुन र ४७ वर्षीया चौसरा विकको घटनास्थलमै मृत्यु भएको थियो। दुर्घटनास्थल भिरालो र मोडहरूसहितको रहेको हुँदा ब्रेक फेल भएर दुर्घटना भएको अनुमान गरिएको छ ।
