काठमाडौं, २३ मंसिर । लुमिनस पावर ब्याकअप सोलुसन र सनवर्थ सोलार प्यानलको लागि नेपालको आधिकारिक बिक्रेता अमट्रेड प्रालीले प्रशान्त ओभरसिजलाई नोभेम्बर महिनाको ‘डिलर अफ द मन्थ’ सम्मान प्रदान गरेको छ । आफ्नो बार्षिक बजारीकरण योजना अन्तर्गत कम्पनीले निर्धारण गरेको मापदण्ड भित्र रहेर हरेक महिना उच्च कारोवार गर्ने डिलरलाई उक्त सम्मान प्रदान गर्दै आएको कम्पनीले जनाएको छ। नोभेम्बर महिनामा उक्त स्थान हासिल गर्न बीरगंजका प्रशान्त ओभरसिजका संचालक प्रशान्त खण्डेलवाल सफल भएका हुन्।
संचालक खण्डेलवालले लुमिनस ब्राण्डको पावर ब्याकअप र सोलार सोलुसनको गुणस्तर मात्र नभई अमट्रेड प्रालीले आफ्नो ग्राहकहरुलाई प्रदान गर्ने बिक्रीपश्चातका उत्कृष्ट सेवासुविधा र गतिविधीहरुले गर्दा नै उनी र उनीजस्तै व्यवसायीहरुलाई व्यवसायिक रुपमा अगाडी बढ्न सहयोग पुगेको बताएका छन् ।
खण्डेलवालले आफ्नो सबडिलरहरुलाई पनि धन्यवाद प्रकट गर्दै अमट्रेडले सबडिलरहरुको निमित्त सन २०२१ मा ल्याएको योजना ( लुमिनस शक्ति कार्यक्रममा सहभागी भई लाभ उठाउन सुझाव दिएका छन्। साथ साथै उहाँले लुमिनस र अमट्रेड प्रालीको बिक्रीपश्चातक सेवाहरु छिटो र भरपर्दो भएकाले ग्राहकहरुलाई इन्भर्टर र ब्याट्रीहरु चाहिएमा ढुक्कसँग लुमिनस ब्राण्डको इन्भर्टर र ब्याट्रीहरु खरीद र जडान गर्न सुझाव पनि दिएका छन् ।
