महोत्तरी, २३ मंसिर । महोत्तरीमा सासुको हत्या गरेको अभियोगमा एक महिलालाई प्रहरीले पक्राउ गरेको छ । ६० वर्षीया जगतारन देवीको हत्या गरेको अभियोगमा आफ्नै बुहारी तेत्री देवी खत्वे पक्राउ परेकी हुन् ।
सासु र बुहारीको घरायसी विवादको कारण झगडा भएको थियो । झगडा कुटपिटमा परिणत हुँदा सासु जगतारनको मृत्यु भएको प्रहरीले जनाएको छ । तेत्रीलाई मटीहानीबाट खटिएको प्रहरीले पक्राउ गरी आवश्यक अनुसन्धान गरिरहेको छ ।
