काठमाडौं, २४ मंसिर । सहिद स्मारक ‘ए’ डिभिजन लिग फुटबल अन्तर्गत आज शुक्रबारबाट चौंथो चरणको खेलहरु सुरु हुँदैछ ।
त्रिपुरेश्वरस्थित दशरथ रंगशालामा आज चौंथो चरणका दुई खेलहरु हुनेछन् ।
पहिलो खेलमा मनाङ मर्स्याङ्दी क्लब र फ्रेन्ड्स क्लबबीच प्रतिस्पर्धा हुनेछ । मनाङ र फ्रेन्ड्सबीचको खेल दिउँसो १ बजे सुरु हुनेछ ।
मनाङ ७ अंक जोड्दै तेस्रो स्थानमा रहेको छ भने फ्रेन्ड्स ३ खेलमा २ अंक जोड्दै दशौं स्थानमा रहेको छ ।
यस्तै, दोस्रो खेलमा त्रिभुवन आर्मी क्लब र च्यासल युथ क्लबबीच प्रतिस्पर्धा हुनेछ । आर्मी र च्यासलबीचको खेल अपरान्ह ४ः४५ बजे सुरु हुनेछ ।
तीन खेलमा ५ अंक जोडेको आर्मी लिगको छैटौं स्थानमा रहेको छ भने च्यासल तीन खेलमा ४ अंक जोड्दै नवौं स्थानमा रहेको छ ।
