काठमाडौँ, २५ मङ्सिर। नेपाली कांग्रेसका नेता शेखर कोइरालाले पार्टी सभापतिमा उम्मेदवारी दिने भएका छन्। रामचन्द्र पौडेल सभापतिको प्रतिस्पर्धाबाट हटेपछि उनले प्यानलसहित उम्मेदवारी घोषणा गरेका हुन्।
उनका प्यानलबाट उपसभापतिमा धनराज गुरुङ र चन्द्र भण्डारी रहेका छन् भने महामन्त्रीमा गगन थापा र मिनेन्द्र रिजाल रहेका छन्।
त्यस्तै, सह-महामन्त्रीमा विकास लामा, कमला पन्त, देवराज चालिसे, शेख वकिल, बद्री पाण्डे र जीवन परियारले उम्मेदवारी दिने भएका छन्। अब केही बेरमा प्यानल सहितको टोली मनोनयन दर्ता गराउने भएका छन् ।
