विमलेन्द्र निधिको विज्ञप्ती : सभापतिमा देउवाजीलाई अमूल्य मत प्रदान गर्न अनुरोध गर्दछु

नेपाली काँग्रेसको १४ औं महाधिवेशनमा सभापति पदका लागि हिजो मिति २०७८ मंसिर २७ गते काठमाण्डौँमा भएको निर्वाचनमा मलाई साथ दिने साथीहरु र मलाई मतदान गर्ने महाधिवेशन प्रतिनिधि साथीहरु प्रति हार्दिक आभार प्रकट गर्दछु। सम्मानीय प्रधानमन्त्री शेरबहादुर देउवाले आज बिहान टेलिफोन गरेर र मेरो निवासमा आएर आफूलाई समर्थन गर्नको लागि गर्नुभएको आग्रहलाई स्विकार गर्दै सभापति पदका लागि हुने दोस्रो चरणको मतदानमा उहाँलाई समर्थन गर्ने निर्णय गरेको छु।

पहिलो चरणको निर्वाचनमा मलाई साथ दिने र मतदान गर्ने महाधिवेशन प्रतिनिधि साथीहरुलाई दोस्रो चरणको मतदानमा सभापति पदमा शेरबहादुर देउवाजीलाई समर्थन गर्दै अमूल्य मत प्रदान गर्न सम्पूर्ण महाधिवेशन प्रतिनिधि साथीहरुलाई अनुरोध गर्दछु। धन्यवाद।