काठमाडौं, २८ मंसिर । नेपाली कांग्रेसका नेता कृष्णप्रसाद सिटौलाले पार्टी सभापति शेरबहादुर देउवाले अब पार्टीभित्र सबैसँग मिलेर अगाडी बढ्नपर्ने बताएका छन् । सभापतिमा दोस्रो चरणको मतदानका लागि मंगलबार राष्ट्रिय सभागृह पुगेका सिटौलाले नेपाली कांग्रेसको यो महाधिवशेन पार्टीभित्र संगठन निर्माण गर्ने लोकतान्त्रिक अभ्यास बताए ।
उनले भने, ‘हाम्रो पार्टीको विधान पद्धतीलाई स्वच्छ ढंगले ढंगले व्यवस्था गरेका छौ । वडा अधिवेशनबाट सुरु भएर केन्द्रमा छोटो समयमा सबै अधिवेशनहरु सम्पन्न भएका छन् ।’ उनले वडादेखि केन्द्रीय महाधिवशेनसम्म आइपुग्दा कांग्रेस कार्यकर्तामा उत्साह उत्पन्न भएको पनि जिकिर गरे ।
यो महाधिवेशनले समझदारीबाट प्रक्रिया निर्माण गरेर नेपाली कांग्रेस टुगोमा पुग्न सक्छ भन्ने कुरा कांग्रेसका तमाम कार्यकर्तामाझ विश्वास बढेको पनि उनले बताए । सिटौलाले आफुले कुनै शर्त र स्वार्थ राखेर देउवालाई समर्थन नगरेको पनि स्पष्ट पारेका छन् ।
https://www.facebook.com/primetimestvnepal/videos/315465377095392
