काठमाडौं, २ पुस । नेपाली कांग्रेसको १४औं महाधिवेशनमा महामन्त्रीमा पराजित प्रदीप पौडेलले महाधिवेशन प्रतिनिधिहरुलाई धन्यवाद ज्ञापन गर्न चियापान कार्यक्रमको आयोजना गरेका छन् । पौडेलले आज अपरान्ह २ बजे उक्त कार्यक्रमको आयोजना गरेको नेविसंघका महामन्त्री बलदेव तिमल्सिनाले जनाएका छन् ।
उनकाअनुसार उक्त चियापान कार्यक्रम आज दिउँसो २ बजे लैनचौर ब्याङ्क्वेटमा हुने छ । उनले लेखेका छन्-
नेपाली काँग्रेसको १४ औं महाधिवेशनमा महामन्त्री पदका उम्मेदवार प्रदीप पौडेल द्वारा आयोजीत धन्यवाद ज्ञापन कार्यक्रममा हार्दिक आमन्त्रण गरिन्छ । जय नेपाल !!!
मिति:२०७८ पौष २ गते शुक्रबार दिउँसो २:०० बजे
स्थान: लैनचौर ब्याङ्क्वैट, लैनचौर काठमाडौं ।
