काठमाडौं, २ पुस । प्रधानमन्त्री शेरबहादुर देउवा र नेकपा माओवादीका अध्यक्ष पुष्पकमल दाहाल प्रचण्डबीच शुक्रबार भेटवार्ता भएको छ ।
भेटवार्ताको क्रममा आज अध्यक्ष प्रचण्डले क्रिकेट खेलाडीमाथि गरिएको कारवाहीबारे प्रधानमन्त्री देउवालाई ध्यानाकर्षण गराएका हुन् ।
नेपाली कांग्रेसको दोस्रोपटक सभापतिमा निर्वाचित भएका देउवा लगायत पदाधिकारीहरुलाई प्रचण्डले सभापतिमार्फत बधाई तथा शुभकामना दिएका थिए ।
प्रचण्ड र देउवाको शुक्रबार भएको भेटमा सदन सुचारु गर्ने लगायतका समसामयिक राष्ट्रिय मुद्दामा प्रधानमन्त्रीले सर्वदलिय बैठक बोलाउने विषयमा पनि छलफल भएको छ ।
