![](https://reportersnepal.com/wp-content/uploads/2021/12/Deuba-11-768x562.jpg)
काठमाडौं, ९ पौष । प्रधानमन्त्री शेरबहादुर देउवा पौषको अन्तिम साता भारत भ्रमणमा जाने निश्चित भएको छ । उनी ‘भाइब्रेन्ट गुजरात ग्लोबल समिट’मा सहभागी हुन जाने निश्चित भएको हो ।
विश्वस्त स्रोतका अनुसार देउवा गुजरातको गान्धीनगरमा २६ देखि २८ पौषमा हुने समिटमा सहभागी हुने गरी जानेछन् । उनले भारत भ्रमणमा त्यहाँका प्रधानमन्त्री नरेन्द्र मोदीसँग भेटवार्ता गर्नेछन् ।
देउवाले मोदीको गृहराज्य गुजरातको समिटमा सहभागिता जनाउने गरी जाने तयारीलाई अर्थपूर्ण मानिएको छ । भ्रमणको औपचारिक घोषणा हुन भने बाँकी छ ।
भारतीय पक्ष देउवाको भ्रमणको तयारीमा जुटेको छ । परराष्ट्र मन्त्रालय पनि भ्रमणको तयारीमा सक्रिय छ ।
नेपाली काँग्रेसका सभापति समेत रहेका देउवा अर्को कार्यकालका लागि नेतृत्वमा निर्वाचित भएपछि भारत जाने तयारी गर्दैछन् ।