काठमाडौं, पुस १५ । भक्तपुरबाट काठमाडौँतर्फ आउँदै गरेको कार दुर्घटना हुँदा एकको मृत्यु भएको भएको छ । दुर्घटनामा दुई जना सख्त घाइते भएका छन्।
तीव्र गतिमा रहेको कार मध्यपुरथिमि नगरपालिका–४ चारदोबाटोस्थित अरनिको राजमार्ग खण्डमा दुर्घटनामा परेको प्रहरीले जनाएको छ । कारले अर्कोतर्फबाट आईरहेको ट्याक्सीलाई समेत ठक्कर दिँदा कारमा सवार धनुषा उपमहानगरपालिका–१५ घर भएका अभिषेक शाहको मृत्यु भएको छ । मृतक शाह शान्तिनगरमा बस्दै आएका थिए ।
दुर्घटना भएलगत्तै घाइते भएका तीनै जानलाई उपचारका लागि मध्यपुर अस्पताल लगिएकोमा उपचारकै क्रममा शाहको गए राति मृत्यु भएको हो। दुर्घटनामा कार चालक सिन्धुली कमलामाई नगरपालिका–१२ का २५ वर्षीय सविन घिसिङ गम्भीर घाइते भएका छन्। उनको अवस्था गम्भीर रहेको छ ।
डिभाइडरमा ठोक्किएर पुनः ट्याक्सीसँग ठोक्किएको थियो । घाईते ट्याक्सी चालक उपचारपछि घर फर्किएका छन् । कार डिभाइडरमा ठोक्किएर पूर्णरुपमा क्षति भएको छ।
