तीन जना अलपत्र
म्याग्दी, १५ पुस । म्याग्दीमा हिउँमा पुरीएर एक पुरुष बेपत्ता भएका छन् । धवलागिरी गाउँपालिका–१ गुर्जामा बुधबार परेको भारी हिमपातका कारण हिउँमा पुरीएर ५० वर्षीय रामबहादुर छन्त्याल बेपत्ता भएका हुन् ।
त्यस्तै, हिमपातको कारण उक्त जंगलमा नै गोठमा बस्दै आएका ३ जना अलपत्र परेका छन् । स्थानियको अनुसार अलपत्र पर्नेमा जगदेवी छन्त्याल, बुद्धि छन्त्याल र लालबहादुर विक रहेका छन् ।
भारी हिमपातका कारण गुर्जा जोड्ने पदमार्ग, विद्युत र मोबाइल फोन सेवा समेत अवरुद्ध भएको छ । बेनीबाट सवारी र पैदल यात्रा गर्दा गुर्जा पुग्न करिब ३ दिन लाग्छ ।
